اوفــــــــــــــــســـــــــــــــــــــايـــــــد (7-11-2008)

ممدوح عباس
نصحتك بالإستقالة من بعد مباراة الاوليمبى الأخيرة واستقالتك الان جاءت بعد يقينك بقرب حل مجلسك من قبل المجلس القومى للرياضة.

مرتضى منصور
لا اعتقد بأنك سوف تترك من سيتولى رئاسة اللجنة المؤقتة لنادى الزمالك يعمل فى صمت فأنت قدر نادى الزمالك.

لاعبو الزمالك
ارجوكم اذا فزتم على المقاولين العرب اليوم ألا تخرجوا الى كل الفضائيات لتقولوا هذا الكلام المستفز بان هذا الفوز جاء لمصالحة الجماهير وانه جاء فى وقته ليعيد الثقة وهذا الكلام الفارغ لان ما افسدتوه فى سنين لن ينصلح فى مباراة.

محمد عمر
اعتقد مش "هت عمر" زى غيرك مع الترسانة..يالا الحق دربه كام مباراة قبل ما تمشى ويجيبوا طارق يحيى,اصله فاضى دلوقتى.

جمال حمزة
لم تنفع فى الزمالك ولن تنفع فى الأهلى ولن تلعب فى المنتخب .. يارب يطلع احترافك فى فرنسا صحيح عشان تريح وتستريح.

رئيس نادى سيون
هربت الحضرى ثم عينت نفسك مدير فنى للفريق ..باين عليك راجل "فلة" ياريت تتعرف على "تامر النحاس" اللى بيهرب اللاعيبة وتهربوا لاعيبة نادى الزمالك وتريحونا منهم.

علاء صادق
فقدت مصداقيتك والأخطر انك فقدتها لدى جماهير النادى الأهلى قبل جماهير نادى الزمالك وبرنامجك "هنا القاهرة" هو الأضعف والأقل متابعة وأغلب أخباره مغلوطة.

رئيس نادى القطن
رفضت دفع المبلغ المستحق عليكم لمطار القاهرة وعملت مشكلة كبيرة وشكلك كنت عاوز تنط من على السور .. وهيطلع فى الاّخر اسمك الحقيقى "حمكشه"

عماد متعب
ملأت الدنيا ضجيجا بطلبك الإحتراف ورفضك التجديد للنادى الأهلى المصرى والأن ايضا تملأ الدنيا ضجيجا لتنهى عقد إعارتك مع نادى إتحاد جده..خد بالك ميدو وزكى متألقين وزيدان فى الطريق.

محمد محسن ابو جريشة
إحترفت أفشل إحتراف فى الدنيا فى "الدورى الصينى" ورجعت تانى للإسماعيلية ..ايه بقى اللى استفادته؟..تلاقيك جبت راديو وخلاط بسعر رخيص.

حسام حسن
الفرق بينك وبين "جوارديولا" مدرب برشلونة الشاب انه بيكسب كل ماتش بالخمسة والستة وانت كل ماتش مطرود فى المدرجات.

لقراءه المقال فى الجريدة
اضغط هنا

لقراءه المقال فى FilGoal.com
إضغط هنا




ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ