بـقـلـم/ شــريــف الشـيـتانـى
AIWAKORA.COM
حسن شحاتة
نيجيريا ليست بالفريق المرعب..والفوز عليها من خلال التنسيق الهجومى السليم فى ظل نقص المهاجمين.
سمير زاهر
الله يخرب بيت العلب اللى فاضحانا فى كل حتة...ماتخلوها بالشيكات المرة اللى جاية واهو كل لاعب يحط الشيك فى الشراب وهو نازل الماتش.
عدلى القيعى
اقلع الشنب والدقن وقول مخبى عمرو زكى فين.
عمرو زكى
خد بالك لا تلاقى نفسك فى الشارع...دلوقتى فى الزمالك فى حاجة اسمها حسام وإبراهيم.
الحضرى
عاوز تروح السودان...خد بالك اللى بيحاول يهرب هناك "بيتلسوع".
السيد حمدى
انت الخليفة الشرعى لأبو تريكة فى بطولة الأمم الأفريقية...بس يارب المعلم ياخد باله.
الأهـــلـــى
اول ما "جـــدو" جاب هاتريك وانضم للمنتخب سارعتم بمفاوضته وسيتبعكم الزمالك رغم تألق اللاعب من "سنتين" وإقتناعى به شخصيا.
إبراهيم مجاهد
مادام كده كده بتتدخل فى شغل المدير الفنى...ريح دماغك ودرب انت المنصورة.
خلاصة تجربة مالى
متعب يفتقد للتركيز والشراسة...شيكابالا لا يصلح أساسيا...محمد زيدان لا يشعرنى بأنه محترف...أحمد فتحى ليس له مكان فى التشكيلة الأساسية...حسام غالى ذو مجهود وفير فى وسط الملعب...يجب ان يشارك على الأقل لاعبا واحدا من احمد عيد والسيد حمدى...لا يجوز اللعب بثلاث لاعبين "دفندرات" فى الوسط فى ظل النقص الهجومى...الحضرى و وائل جمعة وفتح الله هم الأفضل.
ــــــــــــــــــــــــــــــــــــــــــــــــــــــــــــــــــــــــ
