بسم الله الرحمن الرحيم
اوفــــســــــــايد
دكــتـــور نـــفـــســـى لـــلاعبــى الــزمــالك وقــنــاه للــنادى فــى وقــت خـاطىء
شريـف الشيتانـى
- مجموعه من الملثمين قامت بخطف مجموعه من السياح فى منطقه بجنوب غربى مصر.. ما كان حد يدلهم على لاعيبه الزمالك ونخلص.
- برر هولمان الهزيمه من ديناموز بالصيام وعدم قدره اللاعبين على مجاراه الخصم بدون اكل وشرب.. ده مامادو ديارا فى الدورى الاسبانى بيصوم وانيلكا فى الدورى الانجليزى بيصوم ومحمد سيسيوكو فى الدورى الايطالى بيصوم ومش عايز لاعيبه الزمالك تصوم.
- فى صحيفه كويتيه اتهم شريف اشرف حازم امام بمجاملته لبعض اللاعبين الذى يرتبط معهم ببيزنس خاص .. وعلى موقع تانى شريف اشرف ينفى بشده .. طيب والمفروض جماهير الزمالك تعمل ايه؟
- حازم امام تقدم بطلب للتعاقد مع طبيب نفسى ضمن الجهاز الفنى لعلاج اللاعبين من الحاله النفسيه فى الفتره الاخيره .. طلب متحضر وعقلانى لكن لاعيبه الزمالك مش محتاجه طبيب نفسى دول محتاجين صدام و موسولينى.
- الصحفى محمد شبانه من الصحفين القلائل المحترمين فى مصر ولكنه اخطأ خطا لا يغتفر ابدا باستخدامه لفظ سىء جدا فى عنوان بجريده شوت على خبر هزيمه الزمالك من ديناموز هرارى.
- لا اجد معنى لسعى مجلس الاداره لانشاء قناه فضائيه لنادى الزمالك فى هذا الوقت فمجلس الاداره لديه جبل من المشاكل الكبيره والصغيره ومن الافضل حلها اولا وفقا لمبدأ الاولويات .. ياترى هيذيعوا ايه على القناه ؟ المشاكل والخناقات ولا القضايا فى ساحات المحاكم ولا اللاعيبه اللى علطول بتعتذر ولا الجماهير الغاضبه؟!!
- استعدوا فى نهايه الموسم لقضيه وحكايه زملكاويه جديده من اخراج ممدوح عباس وهى شكل تعاقد عمرو زكى مع ويجان..مسئولو ويجان قالوا ان هناك بند يسمح لهم بأولويه شراء عمرو زكى وممدوح عباس نفى ذلك. و حياه بطوله افريقيا اللى طلعنا منها لا يطلع ويجان هو الصح.
- ما شاء الله على عمرو زكى ..رغم الاصابه فى المباراه السابقه ولكنه لعب كاساسى فى مباراه الكأس التى اقيمت امس..قعدوا ميدو مع عمرو زكى يمكن يتعدى منه.
- الاهلى عمل بلبله وازعاج ومشاكل وحوارات ونقاشات ومازالت مستمره حتى الان بسبب موضوع البث ووضح بشده بعد كل ذلك ان الاهلى اقوى بكثير من اتحاد الكره والاذاعه والتليفزيون واى مسئول فى الدوله.
- لو فاز الزمالك على المصريه للاتصالات لن تفرج جماهير الزمالك بشده و لكن لو خسر يبقى بيقضى عليها.
- بعد دخول حازم امام فى مجلس اداره نادى الزمالك اختفى ممدوح عباس وحمل حازم الرايه من بعده واصبح هو بطل التصريحات قبل وبعد كل مباراه .. لا تدخل نفسك يا حازم فى هذه اللعبه حتى لا تخسر ثقه الجماهير.
- منذ اكثر من شهر ونحن نسمع عن عروض كثيره لرعايه نادى الزمالك على كل شكل ولون وسمعنا ارقام كثيره حتى وصلت لاكثر من خمسين مليون جنيه وحتى الان لم يتخذ مجلس الاداره القرار النهائى.استعينوا بشرف فتح الباب يتخذ القرار.
- اذا خسر الزمالك او تعادل مع المصريه للاتصالات ياريت يعملوا بعد كده معسكرات الزمالك فى الدويقه اصلهم اكتشفوا منطقه ثالثه مهدده بالانهيار.
رائع بجد ياشريف
ردحذفان شاء الله يكون ليك مكان فى الصحف و المجلات و بكرة تقول