اوفــــســــــــايد
افكار زملكاى ساخر
شريـف الشيتانـى
- زى ما عندنا مسرح قومى بنفتخر بيه عندنا برضه مسرح رياضى لكن بنستعر منه وهو ده اللى مثل فيه اتحاد الكره والاهلى المشهد الاخير السخيف من مسرحيه حسنى عبد ربه بعنوان " الاهلى الطيب واتحاد الكره الحقانى "
- المحله معروفين بكرم الضيافه .. وحياه فتح الله لا تسيبوا الزمالك فى حاله.
- هو راح فين؟ مختفى بقاله فتره..حد يقدر يقولى هو بيعمل ايه؟.. بس قول فى سرك لا يرش عليك مايه " معدنيه ".
- فاكس اتحاد الكره اشتكى من كتر ما بعت و استقبل.. على فكره اتحاد الكره لو عين مترجم خاص بالفاكسات هيشتغل احسن من رئيس الاتحاد .
- المدح الغير طبيعى فى عمرو زكى هو شىء سلبى وايجابى وسلبيته فى وضع حمل وضغط كبير جدا على عاتق عمرو زكى .. ولا تنسوا عمرو زكى سنه اولى احتراف.
- الاهلى اتغلب من روما بالثلاثه ومن الاسماعيلى بالثلاثه ومن الهلال السودانى بالثلاثه ومع الزمالك ما بيرحمش .. فعلا زى القرع تمد لبره.
- هانى سعيد يتمرد على النادى..هانى سعيد مصاب فى كاحل قدمه..جمال حمزه :هانى مصاب فى وجهه.. يمكن قصدهم على هانى سعيد لاعب حرس الحدود.
- عبد الواحد من حقه ان يغضب من الجماهير لانها سبته فى مباراه الاهلى ولكن طلبه الرحيل وموقفه غير مبرر ..عبد الواحد لن يرحل عن الزمالك فمازال هناك موسم طويل عريض والزمن كافى ليداوى الجراح.
- محمد يابن عبد الله انت عاوز ايه من جمهور الزمالك ... الله يرحم لما رفضت تنضم للزمالك وفضلت الاهلى .. فاضلك موسم وتدورلك على عقد فى بتروجيت ولا الحرس.
- الاهلاويه بيشتكوا من ياسر عبد الرؤوف وبيتهموه بانه افسد مباراه روما .. كنتو تجيبوا احسن " ستوشليك " حكم مباراه السوبر.
- استعد يا اوسه .. الموسم ده بتاعك و اسال عمو " وحيد ".
- اعتقد ان هانى سعيد سيبقى فى الزمالك بدون اى مشكله لان هانى سيجد شىء فى الزمالك لن يجده فى اى مكان اخر وهو النجوميه الكبيره والدور البارز لان هانى فى الزمالك ستظهر بصمته بشكل كبير نظرا لضعف الدفاع عكس ما سيحدث له فى الاهلى.
- حد يرد عليا الاهلى هيلعب كل اللاعيبه اللى عنده دى امتى ..مش بحسد ولا بقر وربنا يزيد ويبارك .. بس دى مش كره قدم.
- بعد كده لو شكينا فى انتماء لاعب للاهلى او للزمالك نعمله تحليل " كرات دم بيضا وحمرا " مع الاعتذار للاسماعيلى.
ليست هناك تعليقات:
إرسال تعليق
اتـــرك تــعــلــيــقــك