اوفــــــــــــــــــســــــــــــــــــــــــــــــايد

اوفــــســــــــايد

بقلم:

شريـف الشيتانـى

- مرتضى منصور عمل كل اللى عمله ده عشان يهد المعبد على الكل ..وفى الاخر بقى ممدوح عباس بطل شعبى وكمان شوبير بقى بطل شعبى ... احذر مرتضى يرجع الى الخلف.


- حل مجلس مرتضى ..تعيين عباس..حل مجلس عباس..تعيين عباس ..عرفتها البطيخه.


- لا يوجد تفسير لما يفعله هانى سعيد لاننا اذا فرضنا ان هانى وقع للزمالك ليضع الشرط الجزائى و يكون مخرجا له للخروج من الاسماعيليه فهذا كلام خاطىء لان هانى لو اراد ذلك لانتظر حتى الموسم القادم ورحل مجانا من الاسماعيلى لنهايه عقده وانه حتى بتطبيق الشرط الجزائى لن يرحل من نادى الزمالك الا بعد موسم فلو اراد ذلك لانتظر فى الاسماعيلى هذا الموسم ثم انتقل بعده بحريته المطلقه وبالتاكيد لم يوقع هانى بضغط من نادى الاسماعيلى لانه ليس نادى شيكاجو وهانى ليس قاصرا.ولم ارى فى حياتى لاعبا فى بدايه عقده مع ناديه الجديد يفكر فى الرحيل عنه.


- شوف الدقه..افتتاح دوره بكين الاوليمبيه سيقام يوم 8/8..الساعه 8..سنه 2008.....احنا كده برضه لغايط دلوقتى ميزانيه الدوره العربيه لم تناقش ..هتتناقش 8/8 الساعه 8 لكن سنه كام!! الله اعلم.


- شن رئيس نادى هرارى الزيمبابوى السابق مرتضياكو منصورى هجوما على منزل ممدوحى عباسى رئيس النادى الحالى..يخلق من الشبه اربعين.


- ستوشليك : حكم غير محبوب فى بلده ..قراراته دائما مثيره للجدل..لم يشارك فى بطوله امم اوروبا الاخيره..الصحف النمساويه لقبته بالفضيحه وشنوا حمله انتقاد ضده..الى لجنه الحكام المصريه الجديده : اول القصيده كفر.


- نشرت احد المواقع الكبرى خبر تاخر نادى الزمالك فى ارسال بطاقه عمرو زكى الدوليه الى نادى ويجان واراد محرر الخبر اظاهر الزمالك فى صوره سيئه فاستخدام عباراه انها اول مره تحدث فى تاريخ نادى ويجان وستيف بروس ابدى استغرابه واشياء من هذا القبيل..واتضح فى الاخر ان فيه مشكله فى عقد التامين على عمرو زكى .. هو اى خبر نكبره ونلمعه عشان نخبط فى الزمالك الغلبان .


- اعضاء مجلس اداره نادى الزمالك اكثر شهره من اعضاء مجلس اداره النادى الاهلى رغم انجازاتهم..يا ترى كام واحد يعرف يقولى اسماء كل اعضاء مجلس اداره الاهلى؟.



- اعداء مرتضى منصور :حازم امام –اسماعيل سليم-احمد شوبير – ممدوح عباس – حسن صقر – زكريا عزمى – احمد نظيف و......... لغايط هنا ومرتضى بيفرمل.


- فى هدف الزمالك الملغى حاول اجوجو باقصى جهده ولمس الكره برجليه ودخلها جوه الجون وطلع فى الاخر اوفسايد..فى هدف الاهلى الاول جرى احمد حسن باقصى جهده ولمس الكره برجليه ودخلها جوه الجون وماطلعشى اوفسايد.. ايه الحظ ده.


-نداء للاعلام المصرى : بدلا من الجرى وراء مرتضى منصور لالتقاط صوره له او الحصول على تصريح ليس له اى فائده كان من الاولى توجيه هذا الاهتمام لنادى حرس الحدود الذى صعد لدور الثمانيه فى الكونفدراليه واقصى فرق كبيره.